2017-08-16

【輔仁媒體】木人里:譚順生只係一個將自己羞恥同妒忌發洩係旁人身上既懦夫 (2112)

為人父母,有邊個唔係望子成龍?有人用盡每分秒迫子女讀書,希望佢地出人頭地;有人就選擇另開一條出路,教子女一技之長。以一曲《My heart will go on》走紅國際,更加取得Golden Buzzer獎揚威海外既9歲女孩Celine,年紀輕輕成就就超越身為歌唱老師既父親譚順生。當女兒達到一個其他人包括父親自己一世人都無可能達到既成就既時候,一般人會為女兒自豪、驕傲、快樂。

但好明顯,父親譚順生無。儘管佢係鏡頭上點樣疼錫女兒、讚揚女兒,機場保安既一句說話,就將呢種虛偽刺穿。機場保安係傳呼機中講出一句「借個女上位既老豆」,赤裸裸咁講出左父親最心虛既野,最羞愧既野。事件既下文就好似大家所見,該名機場保安係收到投訴既第二日就被解僱了。

大家都譴責呢個行為,覺得人地都係講左一句野,唔啱聽都唔使搞人份工架?點解要咁嚴重要去投訴到對方被解僱?大家未必明白,一個大半生投放左係歌唱事業既人,無論點努力都只係一個名不經傳既唱歌老師,但眼見自己個女小學都未畢業,兒童身份證都未拎既時候,係唱歌呢一個範疇上面已經獲得空前成功,自己連佢百份之一成就都及唔上。你話作為父親,會有咩心情?比起欣慰,我地睇到既係自卑、妒忌、羞恥。呢啲情緒係無從宣泄既,因為對公眾、朋友、甚至家庭都唔以宣之於口,因為一開口,就係作為一個父親既失敗,一個男人既失敗。

係咁既壓力之下,再加上網上或者其他人流言之間,或多或少佢都一定見過「借女上位」呢個講法,去到今次係眾記者面前、一家幾口面前,親耳聽到呢個禁語,佢再保持唔到微笑,佢情緒失守。其後佢得到公司既支援,去投訴將呢個令佢丟架既員工解僱。

事實上,真係只因為一句侮辱就大動肝火?真正驅使佢行動既,係佢深知自己的確做緊「借女上位」呢個行為,而背後佢係充滿自卑、妒忌同羞恥既情緒,最重要係,佢更明白係已經返唔到轉頭。積壓而久,扮演慈夫良師而久,因為一句導火線,最終一發不可收拾,扮唔到落去。

簡單黎講,譚父只係一個將自己羞恥同妒忌發洩係旁人身上既懦夫,妒忌女兒既成就,羞恥自己失敗。可憐了機場保安,太誠實、太準確擊到痛處。

講開又講,咁呢場公關災難會唔會影響兩父女前途?兩日左右啦,過多日無人講架啦。

關於作者:木人里
一個心地善良既仆街。



原文連結




0 comments:

Post a Comment