2017-06-23

【輔仁媒體】Jason仔:你班廢青食譚仔,人哋有錢佬已經食咗譚仔呀姐喇! (667)

(譚仔阿姐示意圖,梗唔會係當事人)

點解Jason仔咁耐冇上水?梗係走去收風啦!呢單新聞,真係千真萬確。

江湖傳聞某間珠寶鐘錶行個老細諗住趁退休前啤殼撈多筆(如果唔知咩叫啤殼的話,咁你就要睇渾水嗰本《殼股財技》)本來班廢老食盡舔盡你就吹佢唔脹嘅,但係個核數師同間公司砌數嘅時候,發現小部分股權轉換咗畀一個不知名嘅女人身上。

好死唔死個會計師識個廢老嘅老婆,就梗係通曬水啦,個老婆搵私家偵探查佢,結果發現呢個不知名女人原來係個老公公司附近間譚仔嘅阿姐。係呀,你班廢青仲食緊譚仔,人哋有錢嘅已經將譚仔阿姐私有化咗,犀利。

個老婆嬲嘅係跟咗佢幾十年,一蚊都冇話畀佢。但係呢個譚仔呀姐竟然有股權,心理一定唔平衡,聽聞仲鬧緊離婚,而家所有嘢都hold起曬。

但究竟個譚仔阿姐有幾巴閉,可以令到一個有錢佬著迷呢?原來呢個三十幾歲叫阿梅嘅譚仔阿姐住響天水圍,仲有個仔讀緊小學,佢老公係做中港運輸司機嘅。個老公搵得又唔多,咁咪要出嚟做譚仔阿姐囉!不過呢樣都唔係重點,重點係阿梅佢最拿手嘅係住家菜。

老老實實講句,Jason仔覺得男人就係一種咁犯賤嘅動物,當你搵到好多錢嘅時候,你就會突然身痕想食住家菜。而同你共苦咁多年嘅女人諗住守得雲開見月明可以舒服下啦,點知條麻甩佬就同其他女人舒服。

Jason仔覺得,其實愛情都不過係一種投資,投資就永遠涉及風險。有人贏突,自然有人輸到渣都冇。引用春嬌救志明講嗰句:「你有幾好食,自己心知肚明啦。」餐餐食住同一碟餸你都厭,好心就睇開啲,滾完識返屋企咪得囉。

關於作者:Jason仔
某大中資銀行Insured Banker,寸得起因為做親嘅刁都多過你年薪。情陷夜中環?你都戇鳩嘅,依家幾多大公司Office都搬撚晒去太古啦!



原文連結




0 comments:

Post a Comment